كل عيد وانتم وجميع الامه الاسلاميه طيبه وبخير وسلامه وجميع مطورى الويب
حسب اتفاق سابق على ركوب الخيل فى يوم السحور الذى تجمع فيه مجموعه من مطورين الويب وكان يوم جميل
تم الاتفاق على الذهاب فى العيد لركوب الخيل
المعاد: ثانى أيام عيد الفطر المبارك
التكلقه : انجليزى انجليزى انجليزى زى السحور هههههههه كل واحد يجيب معاه 20 جنيه وهو جاى ماشى
الوقت: الساعه 8:00 صباحأ
مكان الانتظار فى مشعل بعد شارع العريش فى شارع الهرم وسوف نتحرك من هناك انشاء الله كلنا
بالنسبه للخريطه ننتظرها من حازم خالد انشاء الله علشان هو حفظها اكثر منى
بس خلاص
صور اللقاء
من هنا لرؤيه الصور كلها
طيب ماشي هنيجي وهيبقي انجليزي
بس ازاى الساعة 8
طيب انا الاقي ايه اركبه من عين شمس
للهرم الساعة 8
ومنتظرين الخريطة من غير خريطة السحور كنت هروح اليابان
شكرا يا احمد
شي رائع وان شاء الله نجتمع هناك بأقرب وقت
والله يا هاوى بالنسبه للمعاد انت احسن حاجه لتصلى الفجر وتتحرك لالى هكلمك سعتها اقبلك فى عين شمس وبعدين ننزل انا وانت هنبات عند فى الهرم ونطلع ونصحى بدرى وبس نظبطها على الميل انشاء الله او على التيلفون اوك والخريطه حازم انشاء الله هيحطها علشان هو الحفظها اكثر منى انا مبحبش ادور فيها ماشى
انشاء الله هيكون ثانى يوم يا احمد ده لو الاغلبيه موفقين على المعاد وانا حددت الصراحه مع بتاع الخيل اوك
استنوا بقي انا كده هاتوه مافيش مكان اقرب من كده نتقابل فيه ؟؟؟
هقبلك سعتها مع هاوى اوك على ميل سعتها انشاء الله
طيب وانا هتقابلوني فين بس اللي هايقابلني هو اللي هيعلمني لاني مركبتش خيل قبل كده
بس يا احمد هنظبطها مع بعض هيكون فى رمسيس على ما اظن بدل ما الناس مش عرفه المكان ونتحرك من هناك
وهعلمك انشاء الله زى شكه الدبوس متخفش
سلام عليكم انا مجتش المرة الى فاتت بس يمكن اجى المرة دى فعلا لو التجمع رمسيس يكون افضل بحيث انا مش عارف اى شىء فى القاهرة واكيد فى ناس كذلك وممكن تكون فى العيد فى القاهرة
احنا يشرفنا انك تكون معانا يا كرم وانشاء الله هنظبط المعاد مع بعض كلنا ومكان الهنتقابل فيه
هو انت عليك عفريت اسمه الخيل يابنى وكمان صاحبت الراجل بتاع الخيل ربنا يقويك انا هحاول اجى والله عشان اشوف احسن ناس والله مش اكتر مش عشان الخيل ياعم احمد مظهر انت
انا احسن واحد بيركب في الشباب المصرين بصراحه مع احترامي ليكو ..خيل00
ممكن اجاي معاكو ونركب في اسطبل مندي علي اي مراهنات جري او حركات انا هناك يوم الوقفة بليل حد جى معايا
تشرف يا محمود والله لما هتركب الخيل يا محمود هتحب تركب تانى علشان هتلاقيه اطيب من البنى ادم على الواحد
تشرف يا استاذ بندق بس يا ريت تعرفنا بنفسك ولو حبيت تتفضل معانا احنا بنركب عند واحد معين عرفه والرهان حرام ومعظم الناس الجايه مش ركيبه مين حضرتك
والله الواحد نفسه يتعرف عليكم كلكم واحد واحد واستاذ استاذ بس للأسف المسافة بعيدة في يوم زي تاني يوم العيد لو تبقي في يوم تاني
ومعاد مناسب علي الاقل الحق اجي القاهرة المسافة ما بيني وبين القاهرة حوالي 2 ساعتين اتنين 
بس غيروا معاد تاني يوم العيد انا ما بصدق اقعد مع اهلي واخد رفرش لوحدي كدا ونسيب الشغل شوية.
لو شوفتوا قولوا لي وانا تحت امركم
اخوكم عمورة قصدي عمر شاهين
كان نفسي اكون معاكم بس انا هسافر القاهرة بعد اسبوع يا جماعة انا جي اول امبارح
بس ان شاء الله تتعوض
انشاء الله يا عمر ومحمود اكيد فى مواعيد تانى وهيكون انشاء الله فيه اكثر من لقاء
انشاء الله معاد الانتظار
من الساعه
6الى 7 فى رمسيس ولمعرفه مكان الانتظار يمكنك الاتصال بالمبرمج حازم خالد لمعرفه مكان الانتظار لانه هو الذى سينتظركم فى رمسيس وانا هكون منتظركم فى مشعل الهو شارع ابو الهول انشاء الله المعاد ده تانى يوم العيد الرجاء عدم التاخير لان حازم سوف يتحرك على الساعه 7 من رمسيس والهيتاخر هيجى لوحده انشاء الله ماشى للاستفسار الاتصال بحازم خالد والرجاء يا ابو عمار نشر المعاد هذا فى سوالف سوفت وشكرا
السلام عليكم وكل عام وانتم بخير
على العموم انا كده كده
بايت تلات ايام العيد فى الصحرى
وستنى اشوف احمد توفيق وحازم
وطبعا كل الناس الى جاية
ومحضر للاتنين بالذات خيل خيل
واهو على العموم نتعلم من خبرة احمد وحازم فى ركوب الخيل
انا برده تلميذك يا مهدى فى الخيل انت اول واحد ركبتنى خيل وبجد من سعتها حبيته ونفسى فى المستقبل احصل على فرسه وربنى يقدرنى ويكون عندى اسطبل خيل بس برده انا لسه دى هتكون المره 3 اركب يعنى لسه نونو برده خف عليا شويه انت البب الكبير
انشاء الله هحاول اكون متواجد معاكم
السلام عليكم ورحمة الله وبركاته
كل عام وانتم بخير
بالنسبة للي هيقبلوني في رمسيس فهنا خريطة ألي توصلك لتمثال رمسيس رغم أنه مش محتاج خرايط
http://www.wikimapia.org/#lat=30.062046&lon=31.247649&z=18&l=0&m=a&v=2
وبالنسبة أليعيوين يجو على الهرم على طول فهيكون المكان في أخر شارع الهرم عند محطة مشعل وهيقابلو أحمد توفيق والخريطة صعبة عليا مووت فأخري أني أجيب خريطة عامة وألي فيالمركذ ده تقاطع المريوطية مع الهرم ولو نزلت تحت في شمال شوية هتلاقي الأهرامات
http://www.wikimapia.org/#lat=29.989917&lon=31.149845&z=15&l=0&m=a&v=2
الموعد من 7:30 إلى 8 على الاكثر في المكان المذكور في رمسيس
وبإذن الله اليوم طويل بعدها نقدر نعد في أي مكان وندردش ونتعرف أكثر لأن ده هدفنا الاول طبعاً
السلام عليكم ورحمة الله وبركاته ,,,
الظاهر انى جيت متأخر أوى ….
باقى على الميعاد كم ساعه
طيب يا جماعه انا ممكن آجى ولا ايه …
انا مش مبرمج .. بس أطمح بأن أكون فى وسطكم وخصوصا ً انى أعرف بعضكم عن طريق كتاباته ..
وشكرا ً ..
أخيكم ./ أحمد . د
بالنسبه لتعليق حازم خالد العايز بطلع على الهرم علطول يستنى فى محطه مشعل الهو شارع ابو الهول ومع بعض على تيلفون
ت:0101992090
ده تيلفونى
اما بالنسبه للخ احمد مش المهم تكون مبرمج لو حته مطور لو حتى ديزينر لو بتخش على النت احنا نتشرف بمعرفتك وانشاء الله الهيتاخر عن الساعه 8 يحصلنا على الهرم بقى انشاء الله اوك وعند تجمعنا هنقول على باقى النظام
كان يوم جميل جداااااا لا زلت اعانى من الام فى ظهرى وبعض اجزاء من جسمى بسبب الخيل لانها اول مرة لية فى ركوب الخيل ولاكنها لن تكون الاخيرة اخوكم محمد الجمال
http://www.algmaal.com/vb/
والله يا جمال اكيد يوم جميل احنا كنا كتير جدا بسم الله ماشاء الله وكانت صحبه جميلة يارب يديمها للنهايه
للأسف مقدرتش اجي معاكم بس تتعو المرة اللي جاية ان شاء الله
تتعوض**
البوم صور رحلة مطورى الويب لركوب الخيل
http://www.algmaal.com/algmaalhors
http://www.algmaal.com/photohors
دول البومين للصور
واحد من الموبيل
والثانى من الكاميرة
مع تحيات محمد الجمال
بصراحةاتمنى لو كنت معكم
والله يا حواء مفيش مانع الدعوه عامه بس دى كانت دعوه قديمه المره القادمه انشاء الله بس انتى بتعرفى تركبى ولا هتكون اول مره