طبعآ مأدرتش امسك نفسى وكتبت بردوا مواضيع خارجه عن المواضيع التقنية ولكن فية حاجات بتحصل فى حياتنا لازم تدون لحظات جميلة وطريقة

الموضع يتلخص بينى وبين فأر كبير الزيل طويل الشنب وبين صديق ليا يدعى محمود كمال
وهنا ممكن نسمع ذكريات هيما مع الفأر من تيييييييييت راديو كان زى حلاتى بس هو موته انا لسه
كانت معرفتى بالصديق محمود من سنوات وبيننا علاقة حميمة تدوم لبعض السنوات القادمة انشاء الله من كام يوم كدا محمود اعد عندى فى غرفتى شغال وحاطت اللاب على رجلية وفجأة وانا داخل انام بيقلى هو انا مقلتلقش قلتلة على ايه قلى هو مش شفت فأر انبارح قلتلة يا راجل موتة طبعا قلى لا انا عندى الفأر زى الدينسور قلتلة الديناصور يا راجل انت بتخاف من الفئران قلى موت قلتلة يعنى سبت الفأر يجرى قلى اها هو دخل الغرفة بص كدا طبعا انا كنت اعد بترعش ومش عارف اعمل ايه قلتلة بس قام خرج على بره قلتلة شاطر يا خوية يارتها كانت جابت سوسن قلت طيب ده كدا فيه فأر فى البيت انا اعمل ايه مفيش سم ومن هنا بدأت مغامرتى مع الفأر ادور هنا وهناك قلبت البيت مفيش حاجه قلت خلاص بقى انا هنام ولما اشوفة هبقى اموتة او هجبلة بكره علشان كان الوقت متأخر سم فران ومن عادتى قبل النوم انى اخش اغسل سنانى بالمعجون وانا داخل بقى الحمام افتح النور ألاقى ايه بقى المأنتخلى فوق الغسالة بروح امة وواخد رحتة كانة البيت بتاع ابوه مش بيت ناس عيشة فية اول لما فتحت النور لقيت مؤخرة يطلق عليها زلموكة كبيرة اوى قلت ده ايه الفأر ده الام اول مشفتنى يا معلم من هنا وقفزت بحجمها المهول دخلت جوه الغسلة من ورى قلت اشطى كان الوقت متأخر طبعا سبتها بقى ونورتلها نور خفيف فى الحمام وقفلت الباب قلت بقى علشان تعيش حياتها بدون ازعاج لحد لما اصحى الصبح اشوف هعمل ايه صحيت نزلت جريت ورجعت اخت دوش طبعا انا قبل لما بخش بخبط على الباب علشان ممكن تكون طلعا بره الغسالة ترجع لما تسمع صوت عيشت حياتى ومحمود صحى من النوم دخل وهو يكاد يكون مرعوب كان عايز يغسل وشة فى المطبخ اقنعتة انها مستخبية فى الغسالة ومفيش مشاكل منها عادى عيش حياتك خلص ونزلنا الشغل طبعا ابل منزل قلت حرام عليا اسبها محبوسة كدا انا هسبلها حته موزه شكلها على وش ولاده ومحتاجة شوية بروتين بس نزلت الشغل ولما روحت المكتب قلت لعمرو ده شغال معايا فى المكتب ادانى الله يكرمة شوية سم فران طبعا ده بعد موافقة المديرة داليا بس اخت السم وجرى على البيت لبدآ المعركة المع الفارة المتعبة قلت اطلع البواب ونعملها كمين الاول بدل بقى الجبنة الرومى ونخش فى حوارت وسم ونعيش مع الفأره دى كام يوم دخلنا يا معلم الحمام واحنا بنفع الباب الاقى الفار بينط من الشباك بتاع الحمام على البلكونة دخلنا وراها وفجأة فى لحظة بصر اختفت قلنا دى نزلت من المظراب بتاع البلكونة خير وبركة قلت لاحمد البواب شكرا يا باشا ومنجلكش فى حاجه وحشة وقفلت قلت احطياتى برده اجهز يمكن تطلع صيعة وسحبلنا فأر من الشارع وسبتة وكانت طلعة تسترزق وانا بجهزلة العشاء شوية طماطم وعليها مزيج من السم الممتاز البيعمل دماغ للقأر الاقى الفأرة بتجرى من تحت رجلية وقامت دخلة الحمام او الغرفة الانا بنام فيها وبعدين بقى دى طلعت اصيلة وشكلها سيبة فأر بجد رجعتلة ويبقى كدا منزلتش من المزراب ومزالت تعيش معانا فى البيت حضرتلها العشاء واتمنى انها تستريح بقى بدل التعب والارف بس ظبط بقى الطماطم المتينة ووزعتها على مستوى الحمام وغرفة نومى وفى انتظار الساعات القدامة ان يوجد جديد طبعا انا مش عارف هنام ازاى فى الغرفة دى بس لازم انام واعمل عبيط ومحدش بيموت ناقص عمر هى ممكن تاكلها صباع ولا حاجه بس ربنا يستر طبعا محمود كمال جالى نفس اليوم ده ولما عرف ان الفآر مش فرح بقى واعد يضحك وعاش وأول لما قلتلة انها لسه موجود بدأ الحزن والخوف يملأ قلبة وقلى هتلى البيبسى الكنز الفى التلاجة واعد على الكرسى ياخد نفسة ولما رجع احمد تانى علشان ندور على الفأر القى محمود كمال دخل على الاوضة التانية وقفل على نفسة وانا واحمد دخلنا علشان ندور على الفأرة الجزمة دى الكنت نقصها هى كمان بس شكلها مش عايزة تطلع وهتغلبنى معاها انا ظبطها العشاء التمام وهى ونصابها بقى طفتلها النور وهدتلها الجو وهخش انام بقى فى غرفتى جاء اليوم التالى وبعد قدومى من الشغل وانا ارى الطماطم كما هى لم تأكلها قلت اكيد فيه ان ممكن تكون الطماطم مبتكلهاش وعندها املاح بعد احمد البواب يجيب جبنة رومى قلت يمكن متربية فى بيت عز وتم وضع الخليط الممتاز من السم الطازج على شرائح الجبن الرومى الذيذة القديمة ذو الرائحة النفاسة التى يطلق عليها اسم بطارخ وتم وضع قطع الجبن الطازج فى انحاء المنزل وغدآ سوف نرى ماذى فغلت الفأرة مع شراح الجبنة ياترى هل ستقوام ام غذا كل شء هينكشف ويبان ؟؟؟؟؟ وها هى الفأرة ارى فضلاتها ولم اراها بتدلع حضرتها مش عجبها الجبنة والطماطم عمالة بتاكل وبتنقى السم شكلها مش عارف شكل الفارة من شبرا ولا ايه جارى البحث هتى القضاء عليها مع ان الواحد اخد عليها وبتونسوا فى وحدتة بس هنعمل ايه غلبتنى بقى لازم اموتها قريبآآآآآآآآآآآآآآآآآآآ